水斗水西布朗受让有着数

两支联赛仲未开斋嘅球队，今晚英超头场对碰，富咸主场迎战西布朗。呢场「水斗水」边队赢波、开大开细冇路捉，不过单从盘路角度，边队让波都冇着数，一定捧对家。今场让球主客和富咸要让一球，梗係捧西布朗让球客胜。

　　富咸主场全败

　　富咸今季6场联赛未赢过，输咗5场仅和1场，当中3场主场全部输晒。以往富咸喺卡云农捨球场出击，都有一定威力，不过因疫情关係，冇晒球迷入场支持，「弱旅靠主场」呢支歌仔都唱唔到。

　　同样係昇班球队嘅西布朗，一样经历联赛开季6场不胜嘅尴尬局面，不过佢哋演出较有保证，近4场有3场和波抢到分，包括同劲旅车路士踢成3比3，整体表现比富咸好。而且双方近4次交手全部和波，实力明显係半斤八両，西布朗有得受让，变相好抵玩。