出线生死战冇得缩
今晚欧联「死亡B组」生死大战，国际米兰主场恶斗皇家马德里。国米排紧小组包尾，若果今场再唔赢嘅话，出线相当淼茫，好彩箭头卢卡古脚风甚顺，无路可退下必定狂轰勐炸；皇马有队长沙治奥拉莫斯缺阵，防线随时中门大开，加上国米出战欧联例演入球骚，2.5球大盘趁早买。
B组形势异常紧凑，虽然国米以2分排包尾，但只係落后榜首慕逊加柏3分，一场波就可扭转局面。「蓝黑兵团」前锋其实交到货，可惜防线经常犯错，搞到依家小组仲未赢过波。守将高拉洛夫及全能中场波索域确诊新冠肺炎将缺阵，主帅干地相信会以攻代守，将希望放晒喺卢卡古身上。呢位比利时国脚近况弗爆，上仗联赛省两粒兼交出两次助攻，助球队反胜拖连奴4比2，亦令佢踢头43场意甲轰入30球，追平名宿韦利嘅国米入波纪录，仅次于「大哨」朗拿度，今仗必藉地利抢攻。
银河舰队防线甩漏多
另一边厢暂排第3嘅皇马，上轮主场尾段靠洛迪高高斯建功，险胜国米3比2，保住出线希望。不过「银河舰队」今届3战失7粒，后防明显唔稳阵，队长沙治奥拉莫斯早前国际赛期受伤，今场肯定缺阵，另外艾达米列达奥及卡斯米路亦上阵成疑，比利时门神泰拔高图尔斯近期赛事亦频频「派胶」，防线势必险象环生。
睇番国米近6场欧联赛事赢得1场，唔係话想赢就赢到，佢哋呢6仗入10球但失11粒，有5场开3球或以上，今场非胜不可更加冇得缩，撞正防线跌Watt嘅皇马，一于捧2.5球大盘。
发表评论