阿仙奴半和追得过

锋线死火急唔嚟
　　今晚欧霸盃B组赛事，近况低迷嘅阿仙奴作客挪超劲旅莫迪。「兵工厂」近期唔晓入波，加上现时位居小组榜首，以6分领先第3位嘅维也纳速迅，出线形势大好，作客情况下，预料初段睇定嚟踢唔会急，加上佢哋近6场欧霸5开半和，半场和值捧。

　　阿仙奴上场英超作客0比0闷和列斯联，近5场联赛入得1球12码，王牌奥巴美扬严重低沉，翼锋布卡约沙卡同韦利安亦喺上仗勇战受伤，加上中场汤马士柏迪同艾利尼分别因伤及确诊缺阵，中前场人手紧张，今场就徵召咗4位青年军球员随队，可以预期会派遣大量新人上阵。

　　虽然阿仙奴喺欧霸分组赛3战全胜，夹埋入咗9球，不过佢哋倾向上半场踢稳阵波，过去6场欧霸有5次开出半场和，唯一例外係对爱尔兰球队邓达克，「兵工厂」都係要完半场前3分钟至开到纪录，慢热风格唔係咁易改到。

　　莫迪目标求1分
　　莫迪目前3战得6分排小组次席，今场就算拎1分都叫完成任务，尤其主力前锋奥莫尔桑夫上阵成疑，冇必要冒险同阿仙奴斗攻，既然两队都抱住以稳为先嘅意向，再追半场和好过。