马体会西维尔细不可挡

今轮西甲重头戏，1哥马德里体育会喺周一凌晨出击，作客排第4嘅西维尔。榜首马体会失分空间唔多，加上今仗算係佢哋馀下赛程中嘅「硬嘢」之一，教练施蒙尼必定会以最拿手嘅稳守突击战术迎敌，务求一剑封喉，2.5球嘅入球细最抵玩。

　　马体会嘅防守驰名欧洲，今季28场联赛只失18球，防守能力相当惊人，场均只失0.64球。虽然近2个月失球数字上升，而且前线过分依赖老将苏亚雷斯入波，令成绩出现不稳，欧联亦遭车路士淘汰出局，但施蒙尼多年来建立嘅防守体系仍然可靠，近期联赛明显先重防守稳定形势，休战前两场联赛均能保持不失球，近9场赛事有8次总入球开2球或以下。

　　施蒙尼打硬仗先求稳

　　其实自欧联出局后，马体会焗住集中精神应付西甲，馀下10仗赛程中，就只有今场及作客巴塞隆拿最难应付，施蒙尼向来应付硬仗均以稳守为先，而且葡萄牙攻击中场祖奥菲历斯喺国际赛受伤，今仗上阵成疑，马体会更加会缩后嚟踢。

　　西维尔现排西甲第4位，最大优势同样係防守，28场联赛只失21球，失球属西甲第2少，仅次于马体会，佢哋近6场联赛主场有5场成功保持清白之身，客队要攻入西维尔大门难度极高，今晚两支西甲最强防守球队对垒，好难想像入球横飞，入球细係不二之选。