般尼韦斯咸大无畏

周二凌晨英超尾场，般尼主场迎战韦斯咸。般尼上仗发威大炒狼队4蛋，进一步远离降班区域，预计该队抢分步伐唔会停落嚟，韦斯咸连环失分跌出前4，当然唔会就此罢休，加上两队同属踢法开放类型，2.5球大走唔甩。
　　
　　作客嘅韦斯咸近两仗连败于纽卡素及车路士，其中0比1不敌车仔更被对方佔去前4位置，不过「锤仔帮」仍有机会收复失地，季尾最后5仗对手顺序是般尼、爱华顿、白礼顿、西布朗及修咸顿，要反压车路士并非全无可能。

　　至于主队般尼，佢哋踏入4月表现急跌，头3仗全败，幸好上仗突然回勇4比0大胜狼队，现时累积36分，与降班区域保持一段距离，今仗对韦斯咸之后，下仗与富咸直接交锋踢「6分波」，为避免出现任何意外，般尼现时每仗都以抢分为目标，绝对不容鬆懈。

　　其实般尼虽战绩平平，但讲到进攻火力一啲都唔失礼，基斯活特、艾殊利韦斯活特、马迪维达近期都取得「士哥」，近5场联赛总入球全开3球或以上；另边厢嘅韦斯咸近5仗4次开5球或以上，佢哋除咗有连格担大旗，加上法比安巴贝拿又成功「打甩」红牌，今仗可以披甲，阵容较完整之下，预料呢场会係一场入球骚，中位数2.5球嘅大盘抵玩。