李城抢分上盘啱素

入多几粒唔怕临尾香
　　今晚英超上演独脚戏，李斯特城主场迎战纽卡素。「狐狸」李斯特城下届张欧联入场券仲未稳阵，为保住前4位置，馀下4场要积极抢分，否则好似上季咁临尾香，今场遇着排尾4但接近护级成功嘅纽卡素，唔抢3分等几时？「狐狸」近4场联赛主场赢3仗，为免入完1粒到最后畀人追和失分，几大要入多几球，让1球/球半照捧上盘。

　　李斯特城上周作客同修咸顿踢成1比1，失咗2分对争前4都几大影响，佢哋现时以63分排联赛榜第3位，顺序比第5至7位嘅韦斯咸、热刺同少踢1场嘅利物浦多5分、7分及9分，联赛仲有4场，乜嘢都可以发生。

　　记性好嘅球迷应该记得，上季李斯特城一路都喺前4，但季尾最后4场竟然输咗3仗，最终攞唔到欧联入场券，今年当然唔想重蹈覆辙。不过赛程编排对佢哋甚为不利，除咗今场之外，最后3场对手分别係曼联、车路士及热刺，场场硬仗，所以今场全取3分非常重要。

　　纽卡素接近上岸欠斗心
　　纽卡素上周主场吞阿仙奴两蛋，但由于护级对手西布朗及富咸频频失分，「喜鹊」现时距离降班区有9分之多，几近护级成功，倒不如留力主场抢分，今场作客斗心成疑。李斯特城近4场联赛主场赢3仗，今场赢波应该唔难，不过，如果一路只领先1球，难免会有被追和风险，相信领队罗渣士会叫球员尽量攞「燕梳球」，况且伊恩拿祖态勇，唔怕冇波入，上盘让到1球/球半都唔怕捧场。