拜仁等开P半大逊得过

　　今晚德甲焦点大战，拜仁慕尼黑主场斗慕逊加柏，随时变夺冠Party。拜仁上仗作客不敌缅恩斯，未能提早衞冕，令捧场客大跌眼镜，今晚返主场肯定会醒醒定定；慕逊加柏攻力唔曳，加上要力争欧洲赛资格，作客未必会死守，既然双方近7次对赛，有6次半场开2球或以上，1.5球半场大有计。

　　德甲进入尾声，拜仁上轮作客缅恩斯只要赢波就可提前成功衞冕，点知倒灶输波，错过成为欧洲5大联赛最早封王球队嘅机会。依家拜仁仍领先次席RB莱比锡7分，只要赢多场又或者莱比锡输波，拜仁就完成9连霸大业。经过两星期调整，罗拔利云度夫斯基、汤马士梅拿、利莱辛尼等拜仁攻击好手都抖足精神，相信今晚唔会再令球迷失望。

　　慕逊加柏回勇唔怕驳火
　　慕逊加柏现时排第7，仍要为欧洲赛席位而战，佢哋喺2、3月捱过低潮期，直至欧联畀曼城淘汰出局后先重回正轨，近6仗取得4胜兼攻入18球，箭头马古斯杜林、柏利亚及比列安保路近期都有士哥，攻力有保证。

　　睇番慕逊加柏今季首循环曾经赢过拜仁3比2，证明佢哋冇怯于对手名气，该仗上半场双方激战下就踢成2比2，今仗随时一开波又嚟驳火，1.5球嘅半场大值得捧场。