冲冠遇私房菜皇马起筷

今晚西甲尾场，CF格兰纳达主场迎战3哥皇家马德里。皇马上仗唔好彩失分，今仗不容再失，撞正「私房菜」格兰纳达，挟近11次交手赢晒之势，让1/1.5球上盘有计。

　　近期西甲频演「让冠大赛」，巴塞连续两轮失分，皇马上轮面对西维尔，下半场原本博到12码，点知被VAR吹番佢哋反击前喺自己禁区先犯手球，反被吹罚12码，最终踢成2比2失分而回。为免被榜首马体会抛离，皇马嚟紧3轮联赛必定搏尽，希望可后上衞冕。

　　格兰纳达踢风流波
　　位处中游嘅格兰纳达踢紧风流波，虽然早前曾爆冷反胜巴塞，但近6仗只得2胜4负，战意难测。况且皇马係佢哋嘅剋星，近11次碰头「银河舰队」全部赢晒，箭头宾施马喺其中10仗有波入，单计近5次有4场赢2球或以上。季尾波战意行先，皇马冲冠信得过，见到「私房菜」仲唔起筷咩，上盘好路。