狮吼跌Watt半和有机

今日下午澳职独脚戏，包尾嘅纽卡素喷射机主场迎战布里斯班狮吼。狮吼目前喺季后赛资格中身处「掹车边」嘅第6位，但只领先第10位嘅西部联3分，争入季后赛形势紧凑；由于狮吼近况跌Watt，预计今场会先求稳阵，半场和值得捧场。

　　喷射机回勇顶得住
　　狮吼上场输畀阿德莱德联后，近5场联赛赢得1场咁大把，而且仲有后防主将宾迪尔修夫受伤，令本身已有艾德列及轩基特养伤嘅防线，更加天残地缺，今场作客难免会以防守行先，尤其係上半场唔好先失波，以免被打乱阵脚。狮吼近5场联赛有4场都开出半场和，其中3次半场互交白卷，预计今仗都会照办煮碗，谋定而后动。

　　喷射机排紧包尾，近13场联赛未赢过，季后赛肯定冇佢哋份，馀下赛事已成例行公事。不过佢哋近期起用多位年轻球员，反而偶有佳作，近两仗先喺主场打和ＦＣ悉尼，上场面对中岸水手亦只係输12码而仅败，可见战意犹在，加上古度姆比斯同拿查连尼已伤愈复出，阵容齐整番，今仗面对狮吼唔会咁易被击败，半场和值得再追。