水原仁川联射手大斗法

今晚有韩职赛事上演，FC水原会喺主场迎战仁川联。今季新昇班嘅FC水原目前排第8位，演出比预期中理想，最大原因係南非箭头韦迪维积克状态大勇；至于仁川联自从王牌球星史提芬穆高沙复出后，入球能力同成绩都大有改善，今场两大神锋对决，预计会有唔少入波，中位数2.5球大盘值得支持。

　　FC水原今季最大亮点係进攻流畅，韦迪维积克同好拍挡梅里路汉历基肩负起球队入球重担，FC水原喺呢两位曾效力全北汽车嘅球星带动下，入球能力提昇，上场对浦项制铁一度喺落后3球之下，曾经一口气连追3球，虽然最后都要输3比4，但係表现已经赢得球迷一致好评。韦迪维积克近6场赛事有5场能够攻破对手大门，成为入球保证，今次主场出击肯定加多两钱肉紧。

　　史提芬穆高沙上场开斋
　　仁川联开季成绩极差，当中致命打击係王牌前锋史提芬穆高沙确诊新冠肺炎，以至要隔离休养长时间缺阵。但自从呢位黑山前锋4月底复出后，球队表现即时脱胎换骨。仁川联目前有16个联赛入球，当中7球係史提芬穆高沙复出后嘅5场比赛中取得，呢位前锋亦喺上仗对FC光州开斋，信心返晒嚟。再者，仁川联作客向来以攻代守，近7场联赛作客有6场总入球开3球或以上，今场两大射手同时较技，入球大最抵玩。