今晚欧国盃压轴战爆发「英伦打吡」，D组英格兰于温布莱球场迎战苏格兰。英格兰首战1比0击败同组最强对手克罗地亚，今场只要全取3分就可以提早出线，肯定唔会放软手脚；苏格兰无论足球或政治层面，多年来都係被英格兰「骑住」，当然想趁住国际大赛显示实力。双方近4次对赛全开3球或以上，今场推介玩2.5球入球大。
英格兰领队修夫基首战重用今季喺曼城冇乜料到嘅史达宁，好彩佢不负所託，射入全场唯一入波，协助球队击败克罗地亚，除此之外，年轻球员好似美臣蒙特同加云菲腊斯喺中场线亦表现活跃，另一曼城球员菲尔科顿就曾经射门中柱，呢班球员够活力之馀威胁力亦十足，「三狮兵团」攻力信得过。
苏格兰要证明「软实力」
苏格兰首战不敌捷克，该仗修咸顿前锋查阿当斯意外只列后备，相信领队奇勒係希望佢留力应付今仗。事实上查阿当斯上场后备入替后，苏格兰攻势即时旺盛番，今场预料佢会正选落场。其实查阿当斯嘅父母係苏格兰人，但佢喺英格兰出世，曾经代表过英格兰青年军，今年3月先至首次为苏格兰大国脚上阵，今场面对英格兰，当然想用入波证明自己冇拣错。
其实唔止查阿当斯，苏格兰全国上下都想趁今次欧国盃证明自己嘅「软实力」。自英国脱欧后，倾向留欧嘅苏格兰一直希望从大不列颠独立出嚟，唔想成日做英格兰「细佬」，故此今场「英伦打吡」会特别落力。除查阿当斯，阿仙奴翼衞基兰泰亚尼今仗亦会复出，这位「带刀侍衞」亦令苏军嘅侧击能力大大提升。
近4次交手全开3球或以上
基于两队嘅历史背景，两支「英伦兄弟」近年交手例必火花四溅，近4次对碰全开3球或以上，预料今场入波会多，2.5球大唔好错过。
发表评论