比利时睇定食歎细界

今晚B组另一场，已获出线权嘅比利时于中立场对芬兰。比利时今场只要多添1分即可锁定首名，或会留力准备淘汰赛阶段；芬兰争次名形势唔及俄罗斯，但喺第3名都有机会出线下，亦唔需要尽地一煲，首要目标避免大败，中位数2.5球细盘值博。

　　比利时喺B组两连胜，不过两场合共只有15次攻门，但就拎到5个入波，足见佢哋班攻击球员嘅质素。不过要保持咁夸张嘅入球转化率难度极高，尤其今场和波都拎到首名，进攻意欲随时更低。比利时上场反胜丹麦，全靠奇云迪布尼、夏萨特同韦素3位中场后备上阵改变战局，可惜佢哋同受伤患问题困扰，相信领队马天尼斯唔会冒险搵3人孭重飞，为淘汰赛早作准备。

　　芬兰首战全场只得1次攻门下爆冷1比0击败丹麦，上轮则以0比1不敌俄罗斯，明显属守优于攻。今场面对超班嘅比利时，更加会先求稳阵，避免因大败而影响得失球，令争夺第3名资格形势大落后。两军近5次交锋总入球全开2球或以下，今场细盘好路。