欧国盃D组关键战，英格兰主场迎战捷克。英军唔单只要抢分出线，仲肩负起振兴经济嘅责任，只要「三狮兵团」能够首名出线继续喺主场作赛，会为国家带嚟10亿镑经济效益，料修夫基会变阵抢攻。捷克虽然和波都肯定出线，但如果输波有机会跌落第3，今场唔会捱打，预计双方一开波就会嚟料，诚意推介1.5球半场大。
赛前有指英格兰如夺首名，虽可继续主场作赛，但要面对F组次名，不论法国、德国或葡萄牙都难踢，反而次名出线，只会对E组次名，相对较易应付。
不过只要再望远少少，如果次名出线，16强晋级后又係对番F组次名，跟住4强仲有机会对A或B组首名，即係意大利同比利时。相反如果首名出线，只要过到16强一关，之后只係对E组首名，即係瑞典、乌克兰或西班牙，4强对手则斗荷兰，条路仲易行，所以如果以「走线」论，英军其实应该选择D组首名。
可製造107亿经济效益
此外，英格兰两场分组赛只入1球，英军球迷非常不满，上仗对苏格兰比赛尾段更发出嘘声，英军知耻近乎勇，必定希望入波挽回球迷信心。当地传媒报道指，「三狮兵团」如留喺伦敦作赛，会为英国带嚟10亿镑（约107亿港元）经济效益，所以今场必定会抢钱咁抢，领队修夫基将会变阵出击，收起状态麻麻嘅史达宁及有黄牌喺身嘅菲尔科顿，转用基亚利殊同拉舒福特支援哈利卡尼，希望尽快打开纪录。
不过，捷克当然唔会任英格兰鱼肉，因为今场不敌英格兰，而克罗地亚以2球或以上比数击败苏格兰，大家同得4分，捷克与克罗地亚对赛成绩一样之下，要计算总得失球，捷克亦有机会跌落第3，所以形势上，英格兰及捷克都要焗攻。
捷克当然唔怕同英军斗攻，除咗利华古逊前锋柏德列舒希克两场入3球，状态大勇，今场有力数胡，阵中仲有效力韦斯咸嘅中场苏锡克，佢熟晒英军球员路数，当柏德列舒希克畀人睇到实时，佢就有机会突围。既然双方近4次交手，半场全开2球或以上，今场半场大绝对唔可以错过。
发表评论