智利守得半和抗巴西

　　听朝美洲盃8强焦点战，东道主巴西主场迎战智利。虽然巴西上仗和波与收起主力有关，但面对偏重防守嘅智利，亦唔易应付，何况近年碰头旺开半场和，值得再追。

　　衞冕嘅巴西喺B组头3轮分组赛赢晒后，上轮分组赛特登收起尼马、加比尔捷西斯、堤亚高施华等主力，为淘汰赛留力，最终畀厄瓜多尔逼和1比1，虽然无损其B组首名出线资格，但10连胜断缆打窒道气。值得留意係状态大勇嘅王牌尼马，原来之前4次有份上阵对智利都食白果，上次交手入波已係2013年嘅事，似乎每逢对亲智利，佢脚风都唔多顺。

　　近4交手半场全和

　　智利今届4仗A组分组赛，只得1胜2和1负入3球，仅以第4名晋级，由于王牌阿历斯山齐士因伤于今届未曾披甲，就算赶及复出亦状态成疑，因此球队踢法偏重防守，连同之前世盃外在内，近6仗全开2球或以下，踏入淘汰赛随时更加保守。翻查纪录，双方近4次碰头，巴西喺法定时间只得2胜1和1负，全开半场和，其中3仗半场波胆为0:0，可见大家初段都唔敢乱攻，半场和博得过。