莫迪弗爆客Ｗ有利可图

周一凌晨挪超焦点战，利尼史特朗主场硬撼「1哥」莫迪。虽然利尼史特朗近况唔错，但莫迪近7仗赢咗6场，状态弗到冇朋友，球员信心爆棚，加上近年联赛碰头食住对手，今仗有力反客为主，客胜有计。（周一凌晨零时开赛）

　　利尼史特朗之前6仗联赛都未输过，包括上仗落后两粒劣势下，仍逼和华拉伦加2比2。由于佢哋只係打咗10场联赛，比部分球队打少1至2场，如果Keep住个势随时升得更高位置。不过要留意，利尼史特朗今季联赛只入14球，攻力认真麻麻，而且只得两仗保持清白之身，唔好睇得佢哋咁高。

　　相比之下，莫迪更加係弗到漏油，开咧后13仗联赛赢9场，狂轰33粒冠绝挪超；射手奥莫尔桑夫已有16球进帐，脚风奇顺，球队单计近7仗更豪取6胜1负，包括上仗大胜奥特足球会5比0，气势如虹。翻查往绩，双方近6次联赛碰头，莫迪取得5胜1和未输过，摆明格食格，宁买当头起，客胜咪错过。