天皇杯：鹿角勇锐可挫成功丸

日本天皇杯今日有多场第4圈赛事，渡边年舍难取易，睇中鹿岛鹿角作客对长崎成功丸。鹿角近3次对成功丸全胜，佢哋联赛3连胜之余杯赛亦发挥出色，有望终止多年锦标荒；成功丸级数有限难阻鹿角去路，热捧客胜。（周三晚6时开赛）

鹿岛鹿角今季联赛季初试过4战1和3负，球队果断炒咗教练萨高，之后表现愈嚟愈好，联赛追到上前3，杯赛更加发挥出色，除日皇杯入到第4圈，日联杯同样叻仔，已经打入8强。

鹿角最近一次捧杯已经系2018年嘅亚冠杯，本土锦标唔计季前嘅日超杯，佢哋喺2016年成为联赛同日皇杯双冠王，今季当然希望打破锦标荒，难得日皇杯抽好签，对手只系日乙嘅长崎成功丸，过关应该唔难。

长崎成功丸现时喺日乙排第8，表现中规中矩，论实力同鹿岛鹿角难免有一段距离。而且鹿角往绩克住成功丸，近3次对赛鹿角赢晒，今场一于热捧客胜，或者作为过关变倍器都唔错。