英超攻略：阿仙奴做东玩大佢

今晚英超独脚戏，阿仙奴主场硬撼阿士东维拉。虽然阿仙奴队长奥巴美扬脚风转顺，但防守同集中力唔够陋习未改，维拉入得又失得，近年对赛亦食住「兵工厂」，唔怕斗攻实多波入，2.5球嘅入球大更值博。

　　头3轮联赛输晒嘅阿仙奴，之后5仗联赛取得3胜2和，成功从谷底反弹，队长奥巴美扬更摆脱季初低迷，呢5仗联赛有3球进帐，与伊美路维、尼高拉斯比比等愈来愈夹。不过在防中格列沙加养伤下，汤马士柏迪要瞻前顾后难免吃力，上轮迎战水晶宫领先1球下，就係佢同森比卢乾加先后犯错，畀对手成功打反击导致两个失波，明显集中力唔够，最终靠拿卡锡迪末段入波先逼和2比2，防守表现时好时坏。

　　阿士东维拉入得又失得

　　另一边厢，维拉近两仗联赛全败，其中上仗领先2球之下，竟然喺最后10分锺连失3粒，喺主场以2比3反输畀狼队，犹如不设防。查实维拉今季入得又失得，开咧后8仗联赛，入12球却失12球，单计近5仗联赛亦有4次开3球或以上。何况维拉近3次出战阿仙奴赢晒，心理佔优下唔怕抢攻，随时合演入球骚，捧2.5球嘅大盘最稳阵。