墨超沖刺：马萨特兰大斗克雷塔罗

今季墨超常规赛进入最后沖刺，季后赛资格仍然竞争激烈，周六朝早FC马萨特兰主场迎战克雷塔罗，两队都以赶上季后赛尾班车为目标，对3分係志在必得。FC马萨特兰踢法进取，主场出击更加放胆抢攻，对住唔输得嘅克雷塔罗预计战情开放，2.5球入球大值得捧场。

　　头12位球队可以进入季后赛，FC马萨特兰依家排喺第11位，但只係领先克雷塔罗等3队2分，最后3轮要尽量抢分。FC马萨特兰有射手榜次席嘅巴西射手卡美路辛维素压阵，呢位前锋近3仗主场都有入波，喺自己球迷面前比赛特别醒神。FC马萨特兰今届失20球，只係比榜尾嘅迪祖亚拿少，靠嘅就係不断进攻抢分，主场出击更加进取，近5仗主场有4次总入球开3球或以上。

　　克雷塔罗抢分唔会缩

　　排第14位嘅克雷塔罗为争入季后赛，近期演出不断进步，近5场联赛2胜3和，球员信心明显提昇，由于常规赛只係得番3场，今仗面对直接竞争对手肯定想全取3分，作客亦会主动求胜，相信两队会制造唔少入球机会，2.5球嘅大盘好大机会开出。