法甲攻略：里尔作客细守PSG

今晚法甲大战，巴黎圣日耳门（PSG）主场硬撼上季盟主里尔。PSG虽有以美斯为首嘅「MNM」锋线挂帅，但佢喺联赛仲未开斋，主帅普捷天奴似乎唔多识用呢位阿根廷同乡。里尔今季明显跌Watt，但其稳守突击专克PSG，近年碰头亦例少交收，转捧2.5球嘅入球细最上算。

　　榜首嘅PSG好似打机咁，坐拥包括美斯、尼马及基利安麦巴比嘅「MNM」锋线，睇落坚屈机，不过佢哋开咧至今仍未能擦出火花，尤其係排阵上将美斯长期放喺右路，甚少有波到脚，犹如被其他队友孤立，威力大打折扣。摘自华体网堂堂球王今季4次喺法甲披甲，竟然全部食白果，包括上轮闷和马赛0比0，主帅普捷天奴实在难辞其咎，今仗PSG更有助攻力强嘅阿舒拉夫坐波监，侧击力进一步受削。

　　近6交锋5开2球或以下

　　上季神奇夺冠嘅里尔依家只列联赛中游，上季阵中首席射手布拉卡尔马斯，今季联赛只係入得两粒咁大把，对攻力有一定影响。不过里尔嘅稳守突击打法，经常令PSG老鼠拉龟冇碇埋手，双方近6次交手，PSG只得3胜1和2负，其中有5次开出总入球2球或以下，包括季前法冠盃里尔赢1比0，预计今仗会照办煮碗，不妨向中位数2.5球嘅细盘埋手。