车路士慢热半场「菲」唔起

　　车路士今季入球集中喺下半场。

　　今季联赛表现慢热嘅车路士，主场斗锡菲联。车路士今场有德国中场夏维斯因确诊新冠肺炎缺阵，攻力稍削，锡菲联实力一般，主要靠死守抗敌，今季3场联赛作客全开半场和，半场有力顶住车路士，捧半场和。

　　车路士今季表现欠缺稳定性，始终有多名球员加盟，加上疫情令赛程紧逼，球队又要多线作战，球员默契及体力要求跟以往不同，对于少帅林柏特来说，亦是一个大考验，今场仲有夏维斯缺阵，原本踢得好哋哋嘅form，球员又要重新适应。

　　车仔另一个主要问题係入局太慢，今季联赛7战射入16球，数字睇嚟唔错，但当中12球来自下半场，上半场只攻入4球，佢哋成日都要去到下半场中段先至入波，对住习惯死守嘅锡菲联，似乎上半场要入球有啲困难。

　　小注拣埋「让球和」
　　锡菲联现时7战只得1分排尾二，有睇过直播嘅朋友，应该戥佢哋唔抵，球队近6场英超有5场只係以1粒差距输波，前线入球能力不足，焗住死守抢分，但往往出现「久守必失」嘅情况，守唔到尾，有少少欠运。其实锡菲联上半场集中力不俗，今季3场英超作客对阿士东维拉、阿仙奴及利物浦都开出半场和，车路士半场未必够咬得入，推介半场和之馀，仲可以小注「让球和」，博车仔小胜1球。