唔识主攻曼联局细明朗

　　今晚英超尾场，曼联主场迎战西布朗。曼联今季靠反击搵食，主场遇铁桶阵往往冇乜计，难怪联赛主场未开斋；西布朗近5场联赛4次食白果，全开2球或以下，作客奥脱福必定死守，捧2.5球嘅入球细最上算。

　　曼联国际赛前作客以3比1击败爱华顿，打破对方今季联赛主场不败身，不过佢哋最大问题係唔识主攻，尤其主场出击冇乜空位打到反击，难怪今季4场联赛主场仅得1和3负，入得2球咁大把。加上拉舒福特、安东尼马迪尔、连迪路夫及哈利马古尼踢完「太公波」带伤而回，阵容不整下伏味浓。

　　西布朗踢咗8轮仲未开斋，全因锋力欠奉，近5场联赛入得1球，不过佢哋防守有改善，自从联赛于主场同车路士打和3比3后，近5仗从未试过单场失3球或以上，造访奥脱福必以减少失波做目标。佢哋近7次联赛对曼联，有6次开2球或以下，今仗唔慌多波入。

　　车仔勐火大闹纽卡素
　　至于头场纽卡素主场斗车路士。「喜鹊」今季联赛主场踢法性感，入得又失得；车仔新加盟嘅迪姆华拿已适应英超，连盃赛在内近4场省5粒，另一新兵薛耶治更状态大勇，近4场都有入球或助攻，加上佢哋近6场联赛5次开3球或以上，不妨再追2.5球嘅入球大。